कपिलवस्तुको यशोधरा गाउँपालिका–३ स्थित श्रीकृष्ण धार्मिक माध्यमिक विद्यालयका विद्यालय व्यवस्थापन समिति सदस्य विजयनाथ चौबे एक लाख रुपैंया घुससहित पक्राउ परेका छन्।
विद्यालयले आह्वान गरेको शिक्षक पदमा जागिर लगाइदिने शर्तमा सेवाग्राहीबाट सो रकम बुझ्दै गर्दा अख्तियार दुरुपयोग अनुसन्धान आयोग बुटवलको टोलीले शनिवार उनलाई पक्राउ गरेको हो।
तौलिहवास्थित रेसुङ्गा होटलबाट समिति सदस्य चौबेलाई नगदसहित पक्राउ सहायक प्रमुख जिल्ला अधिकारी रामेश्वर अर्यालले बताए।
उनलाई थप अनुसन्धानका लागि आयोगको कार्यालय बुटवल लगिएको छ।