अस्ट्रियाले नेपालको समृद्धिको अभियानमा सहकार्य गरेर अघि बढ्ने प्रतिवद्धता जनाएको छ।
नेपाल भ्रमणमा रहेकी अस्ट्रियाकी परराष्ट्र मामिलामन्त्री कारिन किन्सलले शुक्रबार परराष्ट्रमन्त्री प्रदीप ज्ञवालीसँगको द्विपक्षीय भेटवार्तामा सो प्रतिवद्धता जनाएकी हुन्।
द्विपक्षीय भेटवार्तापछि आयोजित संयुक्त पत्रकार सम्मेलनमा बोल्दै परराष्ट्रमन्त्री ज्ञवालीले व्यापार, लगानी, नवीन प्रविधि हस्तान्तरण, दीगो विकास र वातावरण संरक्षणको क्षेत्रमा नेपालसँग सहकार्य गरेर अघि बढ्न अस्ट्रिया तयार रहेको जानकारी दिइन्।
द्विपक्षीय भेटवार्तामा परराष्ट्रमन्त्री ज्ञवालीले नेपाल सरकारको समृद्धिको अभियान र त्यसका लागि आवश्यक वैदेशिक लगानीका विषयमा पनि विस्तृत धारणा राखेका थिए।
अस्ट्रियाकी परराष्ट्रमन्त्री किन्सनले पनि नेपालको विकास अभियानमा सहकार्य गरेर अघि बढने प्रतिवद्धता जनाइन्।
उनले नेपालले राजनीतिक क्षेत्रमा हासिल गरेको उपलब्धिको प्रशंसा गर्दै अब आर्थिक तथा सामाजिक क्षेत्रको विकासमा केन्द्रित हुने विश्वास पनि व्यक्त गरिन्। नेपालसँग सहकार्य गरेर दुवै मुलुकको सम्बन्धलाई अझै नयाँ उचाइमा पुर्याउने मन्त्री किन्सलको भनाइ छ।
द्विपक्षीय भेटवार्तामा मन्त्री किन्सलले नेपाली सेनाले शान्ति सेनामा पुर्याएको योगदानको पनि खुलेर प्रशंसा गरेकी थिइन्।
