श्रीलंकाका राष्ट्रपति मैत्रीपाला सिरिसेनाले आफैंले बर्खास्त गरेका रनिल विक्रमासिंघेलाई ५१ दिनपछि प्रधानमन्त्रीको सपथ खुवाएका छन्।
आइतबार राष्ट्रपति कार्यालयमा विक्रमासिंघेलाई सिरिसेनाले सपथ खुवाएको श्रीलंकाली सञ्चारमाध्यमले जनाएका छन्।
नोभेम्बर २६ सिरिसेनाले विक्रमासिंघेलाई हटाएर पूर्वराष्ट्रपति महिन्दा राजापाक्षेलाई प्रधानमन्त्री नियुक्त गरेका थिए।
यसबीचमा यी दुबै जनाले आफूलाई वैधानिक प्रधानमन्त्री दाबी गर्दै आएका थिए।
बिहीबार सर्वोच्च अदालतले संसद विघटन गर्ने राष्ट्रपति सिरिसेनाको कदम अवैधानिक भएको फैसला सुनाएपछि राजापाक्षे पछि हटेका थिए।
राजापाक्षेले शनिबार राजीनामा दिएपछि सिरिसेनाले विक्रमासिंघेलाई प्रधानमन्त्रीको सपथ खुवाएका हुन्।