नेपाली कांग्रेसका वरिष्ठ नेता रामचन्द्र पौडेलसहितका नेताहरू पार्टीको विधान र महासमिति बैठकबारे रणनीति तयार गर्न आन्तरिक छलफलमा जुटेका छन्।
पूर्वमहामन्त्री प्रकाशमान सिंहको निवासमा सभापति शेरबहादुर देउवाइतरका नेताहरू भेलामा सहभागी छन्।
भेलामा वरिष्ठ नेता पौडेल, महामन्त्री शशांक कोइराला, कोषाध्यक्ष सीतादेवी यादव, पूर्व महामन्त्री प्रकाशमान सिंह, नेताहरु अर्जुननरसिंह केसी, मीनेन्द्र रिजाल, शेखर कोइराला, गगनकुमार थापा, कमला पन्त, नवीन्द्रराज जोशीलगायत सहभागी छन्।
कांग्रेसमा पदाधिकारी संख्या बढाउने वा अहिलेकै कायम राख्ने, केन्द्रीय समिति संख्या, पार्टी सदस्यताजस्ता विषयमा सभापति र वरिष्ठ नेता पक्षबीच मतभेद छ। विधान टुंग्याउन सोमबार केन्द्रीय कार्यसमिति बैठक बस्दैछ। महासमिति बैठक पनि मंसिर अन्तिम साता हुँदैछ।
