भारतको नयाँ दिल्लीका मुख्यमन्त्री तथा आम आद्मी पार्टी (आप) का संयोजक अरविन्द केजरीवालमाथि कार्यालय परिसरमै खुर्सानीको धुलो छ्यापिएको छ।
मंगलबार दिउँसोको खाना खान च्याम्बरबाट निस्केका केजरीवालमाथि एकजनाले खुर्सानीको धुलो फालेका हुन्। चस्मा लगाएकाले धुलो केजरीवालको आँखामा परेन। तर छल्न खोज्दा उनको चस्मा झरेर भाँचिएको छ।
खुर्सानीको धुलो फाल्ने अनिलकुमारलाई प्रहरीले पक्राउ गरी हिरासतमा राखेको छ।
आपले केजरीवालमाथि भएको यो आक्रमण प्रहरीको कमजोरीका कारण भएको बताएको छ।
आपकी सांसद अल्का लाम्बाले भारतीय जनता पार्टीको निर्देशनका आधारमा चलिरहेको दिल्ली प्रहरीले असामाजिक तत्वलाई मुख्यमन्त्री सचिवालयमा जान दिने गरेको आरोप लगाइन्।
उता भाजपाले भने घटनाको निन्दा गरेको छ।