नेपाल कम्युनिष्ट पार्टी नेकपाको प्रवक्ता पदबाट नेता नारायणकाजी श्रेष्ठले दिएको राजीनामा अस्वीकृत भएको छ।
पार्टी अध्यक्षसमेत रहेका प्रधानमन्त्री केपी शर्मा ओलीसँगको मतभेदपछि श्रेष्ठले प्रवक्ता पदबाट राजीनामा दिएका थिए।
अनसनमा रहेका बेला गोविन्द केसीलाई पार्टीको नीति विपरित भेट्न गएको भन्दै प्रधानमन्त्री ओलीले असन्तुष्टि जनाएका थिए।
साउन ७ गतेको सचिवालय बैठकमा ओली र श्रेष्ठबीच दोहोरी चलेको थियो। श्रेष्ठले बैठकमै – तपाईँहरूको प्रवक्ता पद तपाईँहरु नै राख्नुहोस् भनेर राजीनामा दिएका थिए।
नेकपाको आज बसेको सचिवालय बैठकले उनको राजीनामा अस्वीकृत गरिदिएको हो।
'प्रवक्ता पदबाट दिएको राजीनामा अस्वीकार गर्ने निर्णय गरेको छ', बैठकपछि श्रेष्ठले भने।
नेकपाको सचिवालय बैठक ७ गते पुन: बस्नेछ।
सम्बन्धित समाचार :
प्रधानमन्त्रीसँगको विवादपछि नारायणकाजीले भने- तपाईंहरूको प्रवक्ता आफैंसँग राख्नुस्