नेपाली भएको छ।
नेपाली कांग्रेस विधान संशोधन मस्यौदा समितिले शनिबार काठमाडौंमा पत्रकार सम्मेलन गरी विधान संशोधन प्रारम्भिक मस्यौदा तयार गरिएको जानकारी गराएको हो।
३ वटा उपसमितिले दिएको सुझावको आधारमा पार्टीको विधान संशोधन प्रारम्भिक मस्यौदा तयार पारिएको समितिका प्रवक्ता रमेश लेखकले जानकारी दिए।
संविधानले व्यवस्था गरेको संरचना अनुसार पार्टी विधान संशोधन प्रारम्भिक मस्यौदा तयार पारिएको पार्टीका महामन्त्री एवम् विधान संशोधन मस्यौदा समितिका संयोजक पूर्णबहादुर खड्काले जानकारी दिए।
संघीय ढाँचा अनुसार पार्टीको संरचना तयार पार्न नेपाली कांग्रेसले विधान संशोधन मस्यौदा तयारीको कामलाई अघि बढाएको हो।
विधानको प्रारम्भिक मस्यौदालाई अन्तिम रूप दिन सोमबारदेखि शुक्रबारसम्म प्रदेशस्तरीय छलफल कार्यक्रम पनि राखिएको संयोजक खड्काले बताए।
१२ वटा स्थानमा आयोजना हुने सो छलफल कार्यक्रममा सभापति शेरबहादुर देउवासहितका नेताहरू सहभागी हुनेछन्। प्रदेशस्तरीय छलफलपछि विधानलाई अन्तिम रूप दिइने समितिको योजना छ।
प्रारम्भिक मस्यौदामा ३३ प्रतिशत महिला पार्टीका सबै संगठनमा रहने प्रस्ताव गरिएको छ। त्यसैगरी अनुशासन समिति, निर्वाचन समिति, क्रियाशील सदस्य समिति पनि पार्टीमा रहने विधानको प्रारम्भिक मस्यौदामा प्रस्ताव गरिएको समितिका संयोजक पूर्णबहादुर खड्काले जानकारी दिए।
नेपाली कांग्रेसले संवैधानिक व्यवस्था अनुसार पार्टीको संरचना बनाउन विधान संशोधन मस्यौदा तयार पार्न लागेको हो। विधान संशोधन समितिले तयार पारेको मस्यौदालाई पार्टीको महासमिति बैठकले अनुमोदन गर्नेछ।
