नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले जनताले ठूलो अपेक्षा गरे पनि पार्टीका क्रियाकलाप र गतिविधि आत्मकेन्द्रित भएको बताएका छन्।
‘२०६२/०६३ देखि हाम्रा क्रियाकलाप र गतिविधि अलि बढी नै आत्मकेन्द्रित भएका छन्’, साहाना प्रधानको चौथो स्मृति सभाको अवसरमा पार्टी मुख्यालयमा शनिबार आयोजित कार्यक्रममा दाहालले भने, ‘खासगरी २०६२/०६३ को आन्दोलनपछि हामी कोही न कोही कुनै न कुनै रूपमा आत्मकेन्द्रित भएका छौं।’
आफूहरू धूलोमैलो लागेका, फोहोरी फोहोरीजस्ता भएको उनले बताए।
‘सरकारलाई जनअपेक्षा अनुसार प्रभावकारी बनाएर लैजाने चुनौती हाम्रो अगाडि छ’, उनले भने, ‘पार्टी एकतालाई सुदृढ गरी लैजानुछ।’
सामना गर्नेखालको चुनौती भएकोले उज्यालोतर्फको यात्रामा लाग्न उनले सबैलाई आग्रह गरे।