जापानका प्रधानमन्त्री सिन्जो अबे सत्तारुढ दलको अध्यक्षमा पुनः निर्वाचित भएका छन्। उनको राजनीतिक दल ‘लिबरल डेमोक्र्याटिक पार्टी’को बिहीबार सम्पन्न निर्वाचनबाट उनी अध्यक्ष निर्वाचित भएका हुन्।
उनले दलका सदस्य र सांसदबाट ५५३ मत प्राप्त गरेका छन्। उनीविरुद्धमा उम्मेदवार बनेका अर्का नेता सिगेरु इसाबाले भने २५४ मत मात्र पाएका थिए। नेता इसाबा जापानको पूर्व रक्षामन्त्री हुन्।
अबे संविधान संशोधनको मुख्य एजेण्डाका साथ प्रधानमन्त्रीमा निर्वाचित भएका हुन्। उनी पुनः आफ्नो पार्टीको प्रमुखमा निर्वाचत भएसँगै सविधान संशोधनको उनको सपना पूरा हुने देखिएको बताइएको छ।
यो विजयसँगै प्रधानमन्त्री अबे जापानमा लामो समयसम्म प्रधानमन्त्रीको पदमा हुने निश्चित भएको छ । जापानी प्रधानमन्त्री अबे अहिले ६३ वर्षका छन्। एएफपी
