उपराष्ट्रपति नन्दबहादुर पुन चीन प्रस्थान गरेका छन्।
छ दिनको औपचारिक भ्रमणका लागि उपराष्ट्रपति पुन बुधबार एयर चाइनाको विमानबाट सिचुवान प्रान्तको राजधानी छेन्दु प्रस्थान गरेका हुन्।
त्रिभुवन अन्तर्राष्ट्रिय विमानस्थलको अतिविशिष्ट कक्षमा गृहमन्त्री रामबहादुर थापाले उपराष्ट्रपति पुनलाई बिदाई गरेका थिए। असोज ४ गतेदेखि छेन्दुमा १७औँ पश्चिम चीन अन्तर्राष्ट्रिय मेला’ हुँदैछ। सो कार्यक्रममा सहभागी हुन नेपाली प्रतिनिधिमण्डलको नेतृत्व गर्दै उपराष्ट्रपति पुन चीन गएको निजी सचिवालयले जनाएको छ।
