प्रधानमन्त्री केपी शर्मा ओलीले हालै कञ्चनपुरमा भएको निर्मला पन्तको हत्याको विषयले आफूलाई स्तब्ध बनाएको बताएका छन्।
मंगलबार संसदमा सम्बोधन गर्दै प्रधानमन्त्री ओलीले कञ्चनपुर घटनाले सबैलाई दुखित बनाएको भन्दै सत्यतथ्य चाडै सार्वजनिक हुने र अपराधिलाई कारबाही हुने बताए।
सुरूमा बनाएको प्रहरीको छानबिन टोलीमाथि प्रश्न उठेपछि सरकारले अर्को समिति बनाएर छानबिन थालिएको बताए।
सुरूमा प्रहरीले छानबिन गर्छ भन्ने कुरामा विश्वास गर्नै पर्यो। हाम्रै संयन्त्रमा भर पर्नुपर्यो। प्रहरीको उक्त छानबिनमा चर्को रूपमा प्रश्न उठेपछि हामीले अर्को टोली पठायौ,’ प्रधानमन्त्रीले भने,‘अर्को पठाएको समितिले पनि प्रहरीको भूमिका उपर्युक्त नलागेको भन्ने प्रारम्भिक रिपोर्ट बिचमा उसले पनि संकेत गर्यो।’
यस्तो भए पनि प्रहरी, एसपी, डिएसपी, सिडिओ पनि संलग्न भएकाले सबैलाई फिर्ता बोलाएर अर्को सिडिओ, एसपी र डिएसपी पठाएको भन्दै प्रधानमन्त्रीले त्यसमा पनि शान्त नभएपछि सहसचिव र तीन जना डिएसपी राखेर उच्चस्तरीय छानबिन आयोग बनाइ एसपीलाई निलम्बित गरेको बताए।
‘प्रभावित गर्न नपाउन भन्नका लागि एसपीलाई निलम्बित गर्दै त्यहाँका कानुन फाँटका अधिकृतसमेतलाई फिर्ता बोलाइयो। र अरूलई पठाएर अहिले छानिबिन भइरहेको छ’, उनले भने।
उनले सरकारले पीडित बालिकासमेतलाई सरकारले १० लाख सहयोग गरेको स्षप्ट पार्दै त्यहाँ बसेका सर्बदलीय बैठकका निर्णयलाई सम्मान गर्दै सोही अनुसार रित पुर्याएर अगाडि जाने,सहिद घोषणा गर्ने र परिवारलाई क्षतिपूर्ति दिने निर्णय गरेको बताए।
उनले निष्पक्ष ढंगले पहिलेदेखि अहिलेसमम्का कुराबारे छानबिन हुने दाबी गरे।
अरू ठाउँमा पनि देखिएका यस्ता घटनाकालाई कडाइका साथ रोक्नका लागि सरकार कटिबद्ध भएको प्रधानमन्त्रीले विश्वास दिलाए।
प्रधानमन्त्रीले चाहे कञ्चनपुर होस् या अन्यत्र जहाँ भए पनि कुनै पनि अपराधिक घटनामा सरकार कहिलै उदार र होलो खकुलो नहुने स्पष्ट पारे।
‘अत्यन्तै निश्पक्षका साथ हाम्रो सम्पूर्ण सामर्थ्य लगाएर छानबिन हुन्छ र दोषिमाथि कडा भन्दा कडा कारबाही हुन्छ,’ उनले भने।
