राष्ट्रिय सभामा राष्ट्रपतिबाट मनोनित सांसद विमला पौडेलले १० वर्ष मुनिको बालिका, ७० बर्ष माथिको वृद्ध महिला र क वर्गको अपाङ्गता भएकालाई बलात्कार गर्नेलाई आजीवन कारावास माग गर्दै संशोधन दर्ता गराएकी छिन्।
भदौ १ गतेदेखि लागू भएको मुलुकी संहिता सम्बन्धि केही नेपाल ऐन संशोधन विधेयकमा पौडेलले संशोधन दर्ता गराएकी हुन्।
हाल मुलुकी अपराध संहिताले क्रुर याताना दिइ निर्ममतापूर्वक मारेको, वायुयान अपहरण गरि वा वायुयान विष्फोन गरि मारेको, अपहरण गरी वा शरिर बन्धक बनाइ ज्यान मारेको, सार्वजनिक रुपमा उपयोग हुने पेय वा खाद्य पदार्थमा विष हाली मारेको, कुनै जात, जाती वा सम्प्रदायको अस्तीत्व नै लोप हुने गरि (जाति हत्या जेनोसाइड) गरेको वा गर्ने कसुर गरेको तथा जबरजस्ती करणी गरी ज्यान मारेको अवस्थामा जन्मकैदको प्रावधान छ। यी मुद्दामा दोषि ठहर भए जीवित रहेसम्म कैदको प्रावधान गरिएको छ।
राईले नेपालमा मृत्युदण्डको व्यवस्था नभएकाले आफूले बलात्कारका घटनामा जीवित रहेसम्म कैदको माग गर्दै संशोधन दर्ता गराएको बताइन्।
‘१० वर्ष मुनि बालिका, ७० वर्ष माथिका महिला र क वर्गका अपाङ्गता भएकाहरुलाई बलात्कार भए आजीवन कारावास गर्न मैले संशोधन दर्ता गराएको छु’, पौडेलले सेतोपाटीसँग भनिन्, ‘उनीहरुलाई बलात्कार के हो भन्ने नै थाहा भएको हुदैँन। त्यसैले यस्ता घटनामा आजीवन काराबास हुनुपर्छ।’