सरकारले आगामी भदौ २५ देखि लागू हुने गरी कामु प्रधानसेनापति बलाधिकृत रथी पूर्णचन्द्र थापालाई प्रधानसेनापतिको रुपमा राष्ट्रपतिसमक्ष सिफारिस गर्ने निर्णय गरेको छ।
आइतबार अपरान्ह बसेको मन्त्रिपरिषद बैठकले २६७ को उपधारा ५ बमोजिम उनलाई राष्ट्रपति समक्ष सिफारिस गर्ने निर्णय गरेको हो।
त्यसबाहेक अरू निर्णयहरू यस प्रकार रहेको सरकारका प्रबक्तासमेत रहेका सञ्चार तथा सूचना प्रविधिमन्त्री गोकूल बाँस्कोटाले जानकारी दिएका छन्।
- मौलिक हक कार्यान्वयनका लागि वयैक्तिक गोपनियताको हक सम्बन्धि विधेयक, अनिवार्य तथा निशुल्क शिक्षा सम्बन्धि व्यवस्था गर्न बनेको विधेयक र भूमी सम्बन्धि विधेयक सातौँ संशोधन २०७५ संघीय संसदमा पेश गर्ने।
- विश्व बैंक आइडिएबाट एकीकृत सार्वजनिक वित्त व्यवस्थापन सुधार आयोजनाका लागि प्राप्त हुने अनुदान सहायता १ अर्ब ६४ करोड । १५ मिलियन डलर स्वीकार गर्ने।
- डा डिल्लीराज खनालको अध्यक्षतामा पाँच सदस्यीय सार्वजनिक खर्च पुनरावलोकन आयोग गठन गर्ने। आयोगका अध्यक्षको सुविधा राज्यमन्त्री सरह हुने।
- पञ्चेश्वर विकास प्राधिकरणमा नेपालको तर्फबाट अतिरिक्त प्रमुख कार्यकारी ऊर्जा जलश्रोत तथा सिँचाइ मन्त्रालयका चिरञ्जीवि चटौत।
- पुर्नबास, पुर्नस्थापना तथा व्यवस्थापन विभागमा सिँचाइ तथा जलश्रोत विभागका उपमहानिर्देशक चुर्णबहादुर ओली।
- प्राविधिक कार्यकारी निर्देशक पदमा विद्युत विकास विभागका नरेन्द्रसिंह भण्डारीलाई काज खटाउने। हाल प्राधिकरणको कार्यकारी निर्देशक पदमा कार्यरत बाबुराम अधिकारीलाइ अर्को व्यवस्थ नभएसम्म बढीमा २०७६ असार मसान्तसम्मका लागि काजमा खटाउने निर्णय भएको छ।
- बिमिस्टेक ग्रिड इन्टरकनेक्सन सम्झौतामा नेपालको तर्फबाट हस्ताक्षर गर्न परराष्ट्र मन्त्रीलाई अख्तियारी दिने निर्णय। बिमिस्टेक सम्मेलनमा ग्रिड सम्बन्धित सम्झौता हुने।
- अस्थायी तथा सेवा करार सम्झौता सम्बन्धी जनशक्तिको व्यवस्थापन गर्ने निर्णय छ। अरू व्यवस्था संघीय मामिला तथा समान्य प्रशासनले मिलाउने।
- विश्व बैंक समूहको १५ मिलियन डलर अनुदान स्वीकार गर्ने निर्णय गरेको छ।
