गृहमन्त्री रामबहादुर थापाले ११ वर्षिय बालक निशान खड्कालाई अपहरण गर्नेहरू प्रहरी इन्काउन्टरमै मारिएको दाबी गरेका छन्। शुक्रबार भरतपुरमा संवाददाताहरूसँग कुराकानी गर्दै गृहमन्त्री थापाले प्रहरी कारबाही ‘फेक इन्काउन्टर’ नभएको बरू गलत प्रचार गरिएको जिकिर गरे।
‘सरकारले आफ्नो पोजिसन स्पष्ट पारी सकेको छ, प्रहरीले २४ घन्टामा अपहरणकारीलाई निस्तेज पार्ने काम गरेको छ,फेक इन्काउटरबारे केही हल्लाहरू भएका छन्’ गृहमन्त्री थापाले भने,‘सरकारले आफ्नो दायित्व सफलतापूर्वक निभाएको छ।’
गत सोमबार भक्तपुरको सूर्यविनायक जंगलमा प्रहरीको गोली लागि खड्काको अपहरण गर्ने अजय र गोपाल तामाङको मृत्यु भएको थियो। प्रहरीले उनीहरू इन्काउन्टमा मारिएको दाबी गर्दै आएको छ।
स्थानीयवासीले भने उनीहरूलाई प्रहरीले कोठाबाट जंगलमा लिई गोली हानेको बताएका छन्।
यसअघि बिहीबार गृहमन्त्री थापाले इन्काउन्टरबारे छानबिन हुने बताएका थिए।
