राष्ट्रियसभाले पूर्व सांसद कमलप्रसाद पंगेनीको निधनमा शोक प्रस्ताव पारित गरेको छ।
सोमबार बसेको राष्ट्रियसभाको बैठकले पूर्व सांसद कमलप्रसाद पंगेनीको निधनमा शोक प्रस्ताव पारित गरेको हो।
२०७० सालको संविधानसभा निर्वाचनमा स्याङ्जा क्षेत्र नम्बर २ बाट निर्वाचित पूर्व सांसद पंगेनीको हृदयघातका कारण आइतबार बिहान ५ बजेर ३० मिनेटमा स्याङ्जास्थित निवासमा निधन भएको थियो।
नेपाली कांग्रेसका तत्कालीन स्याङ्जा जिल्लाका सभापति समेत रहेका पंगेनीले नेपालको लोकतान्त्रिक आन्दोलनमा महत्त्वपूर्ण भूमिका निर्वाह गरेका थिए।
समाजसेवाको क्षेत्रमा समेत क्रियाशील पूर्व सांसद पंगेनीको आत्माको चीर शान्तिको कामना गर्दै बैठकले एक मिनेट मौन धारण समेत गर्यो।
अर्को बैठक २३ गते बुधबार ११ बजेका लागि बोलाइएको छ।
