नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले डाक्टर गोविन्द केसीलाई प्रयोग गरी सरकारलाई असफल बनाउने चलखेल हुँदै आएको बताएका छन्।
पुष्पलाल स्मृति प्रतिष्ठानको आयोजनामा गोरखामा सोमबार आयोजित समसामयिक राजनीतिक विचार गोष्ठीमा श्रेष्ठले भने, 'जनमुखी काम गर्न लागेको जननिर्वाचित सरकारलाई काम गर्न रोक्ने गरी चलखेल भइरहेको छ।'
डाक्टर केसी बिनापूर्वाग्रह वार्तामा आउनुपर्ने उनले बताए। चिकित्सा शिक्षा सुधारका लागि माथेमा आयोगले दिएका सुझाव सन्दर्भ सामग्रीका रूपमा प्रयोग गर्न सकिने तर्क गर्दै श्रेष्ठले संसदमा दर्ता भएको चिकित्सा विधेयक संसदबाट नै हल हुने बताए।