जुम्लाको कर्णाली स्वास्थ्य विज्ञान प्रतिष्ठानमा भएको घटना छानबिनका लागि प्रदेश प्रहरीले छानबिन टोली गठन गरेको छ।
प्रहरी प्रधान कार्यालयले घटनाको छानबिन गर्न ६ नम्बर प्रदेश प्रहरीलाई निर्देशन दिएपछि प्रदेश प्रहरीले अनुसन्धान टोली गठन गरेको हो।
नेपाल प्रहरीका डिआइजी सुरेन्द्रविक्रम शाहको नेतृत्वमा टोली गठन भएको छ।
टोलीमा एसपी केदार रजौरे र डिएसपी चुडामणि बुढाथोकी रहेका छन्। घटनाको अनुसन्धान गर्न टोली जुम्ला पुगिसकेको छ।
अनसनरत केसीलाई काठमाडौं ल्याउने तयारी भएपछि प्रहरी र केसी समर्थकबीच झडप भएको थियो। सोही झडपका क्रममा एक जना प्रहरी जवानसहित २ दर्जन घाइते भएका थिए।
