डा. गोविन्द केसीका समर्थनकहरू आइतबार काठमाडौंको वसन्तपुरमा सामूहिक अनसन बसेका छन्।
सामूहिक अनसन बिहान १० देखि ५ बजेसम्म बस्नेछन्। सोलिडारिटी फर डा. केसी अभियानले सो कार्यक्रम आयोजना गरेको हो।
अनसनमा सामाजिक अगुवा, राजनीतिक दलका नेता, चिकित्सक, नर्स, विभिन्न पेशागत संघसंस्थाका प्रतिनिधि, कानून व्यवसायी, विद्यार्थीहरूको सहभागिता रहने बताइएको छ।
चिकित्सा शिक्षा सुधार माग गर्दै डा. केसी अनसन बसेको आज २३ औं दिन हो। गत बिहीबार उनलाई जुम्लाबाट सरकारले बलजफ्ती गरेर काठमाडौं ल्यापछि पनि उनको अनसन जारी छ। हाल उनी महाराजगञ्जस्थित टिचिङ अस्पतालमा अनसनरत छन्।
