चिकित्सा शिक्षा सुधारको माग राखेर २२ दिनदेखि अनसनरत डाक्टर गोविन्द केसीको समर्थनमा उत्रिएका नागरिकहरूले राजधानीमा सरकारविरुद्ध प्रदर्शन गरेका छन्।
शनिबार दिउँसो माइतीघरबाट बानेश्वरसम्म बेलुन जुलुस गरेका उनीहरूले ‘ध्यान उनको कुर्सीमा समाजवाद बिक्यो मार्सीमा, सरकारलाई संक्रमण अस्पतालमा आक्रमण, एक दुई तीन चार हामी मान्ने छैनौं हार, अनसन २२ औं दिन जनता मार्ने कति दिन, केसी एक्ला छैनौं हामी तिम्रो साथमा छौं’ माफियाँका ताँती ओली सरकारका साथी भन्ने नारा लगाउँदै सरकारको विरोध गरेका हुन्।
नेकपा अध्यक्ष केपी शर्मा ओली सरकारले ‘चिकित्सा क्षेत्रमा माफिया भित्र्याएको’ आरोप पनि उनीहरूले लगाएका छन्। अहिले बानेश्वरमा कोणसभा सुरू भएको छ। कोणसभा सुरू हुनुपूर्व बेलुन उडाइएको थियो।
