अनसनरत डाक्टर गोविन्द केसीलाई सरकारले काठमाडौं लैजाने क्रममा प्रहरीले बल प्रयोग गर्दा विद्यार्थी कुटिएको विरोधमा नेविसंघ जुम्लाले शिक्षण संस्था बन्द गराएको छ।
नेपाल विद्यार्थी संघ जुम्लाले शुक्रबार एक प्रेस विज्ञप्ति जारी गर्दै शिक्षण संस्था बन्दको आह्वान गरेको हो।
चिकित्सा शिक्षा सुधारको माग गर्दै अनसनमा बसेका डाक्टर गोविन्द केसीको स्वास्थ्य अवस्था खराब भएको भन्दै सरकारी टोली उनलाई लिन जुम्ला आएको थियो।
डाक्टर केसीको इच्छाविपरित जबरजस्ती बिहिबार काठमाडौं जैजानेक्रममा भएको झडपमा परि चिकित्सक, प्रहरी र विद्यार्थीसहित २ दर्जन बढी घाइते भएका थिए।
अस्पताल जस्ता संवेदनशील क्षेत्रमा सरकारले बल प्रयोग गरी विद्यार्थीमाथि लाठि बर्साउनु र गोली प्रहार गर्नु निन्दनीय घटना भएको भन्दै कानुनको ठाडो उल्लघंन गर्दै कर्णाली स्वास्थ्य विज्ञान प्रतिष्ठानका विद्यार्थीमाथि भएको ज्यादतिपूर्ण दुव्र्यवहाको विरोधमा जुम्लाका सबै शैक्षिक संस्था बन्द गर्न आह्वान गरिएको विज्ञप्तिमा उल्लेख छ।
अचानक विद्यालय बन्द भएपछि टाढा टाढाबाट विद्यालय पुगेका विद्यार्थी घर फर्किका थिए। बन्द नभएका शैक्षिक संस्थामा पनि जबरजस्ती बन्द गराउन थालेको एक विद्यालयका शिक्षकले सेतोपाटीलाई जानकारी दिए।
