काठमाडौं उपत्यकामा दुर्घटना कम गर्न भन्दै सुरू गरिएको ट्राफिक सचेतना अभियानमा आइतबार एकै दिन करिब चार हजार जनालाई सम्झाईबुझाई गरिएको ट्राफिक प्रहरीले जनाएको छ।
महानगरीय ट्राफिक प्रहरी महाशाखाका अनुसार हिजो ३ हजार ९ सय ८१ जना जथाभावी बाटो काट्ने पैदल यात्रुलाई सम्झाईबुझाई गरिएको हो।
जथाभावी बाटो काट्दा दुर्घटनाको जोखिम बढेको भन्दै ट्राफिक प्रहरीले सचेतना अभियान थालिएको हो।
आकाशेपुल र जेब्राक्रसको प्रयोग नगर्ने पैदलयात्रुलाई सडकमै ट्राफिक नियम सिकाउने गरिएको छ।
पहिले ट्राफिक प्रहरीले गल्ती गरेपछि मात्र कारबाही गर्थ्यो भने अब गल्ती गर्नबाट बचाउने उपायका बारेमा पनि जानकारी गराएछि दुर्घटना कम हुने ट्राफिक महाशाखाको अनुमान छ।
आइतबारदेखि सुरु यो अभियान १० दिनसम्म चल्नेछ।
