राष्ट्रिय सभाका अध्यक्ष गणेश तिमिल्सिनाले विशेष समयमा सदस्यहरूले उठाएको प्रश्नको जवाफ दिन सरकारलाई रूलिङ गरेका छन्।
संसदको नयाँ नियमावलीमा संसदको शून्य र विशेष समयमा उठेका प्रश्नहरुको सम्बन्धित मन्त्रीहरुले पाँच दिन भित्र जवाफ दिनुपर्ने प्रावधान राखिएको छ।
राष्ट्रिय सभामा सांसदहरुले उठाएका प्रश्नको गृहमन्त्री रामबहादुर थापाले अहिलेसम्म एकपटक मात्र जवाफ दिएका छन्।
अन्य मन्त्रालयका प्रश्नहरुको जवाफ आउन सकेको छैन। राष्ट्रिय सभामा मन्त्रीले आफूहरूको प्रश्नको जवाफ नदिएको गुनासो बैठकमा सदस्यहरूले गरेका थिए।
लगत्तै उनले जवाफका लागि रूलिङ गरेका हुन्।