सरकारले २१ जना सहसचिवको सरुवा गरेको छ। प्रदेश नम्वर १ का मुख्यमन्त्री तथा मन्त्रिपरिषद् कार्यालयका सहसचिव सन्तोष श्रेष्ठलाई मन्त्रालयको अतिरिक्त समूहमा सरुवा गरिएको छ। यही प्रदेशका आन्तरिक मामिला तथा कानून मन्त्रालयका यज्ञ खत्रीलाई मुख्यमन्त्री कार्यालय पठाइएको हो।
प्रदेश १ को आन्तरिक मामिला तथा कानून मन्त्रालयमा गंगाराम गेलाललाई पठाएको संघीय मामिला तथा सामान्य प्रशासन मन्त्रालयले जानकारी दिएको छ। प्रदेश २ का आन्तरिक मामिला मन्त्रालयमा रहेका विष्णु केसीको संघीय मन्त्रालयको आन्तरिक समूहमा सरुवा भएको छ। देवीराम भण्डारीलाई प्रदेश २ को सामाजिक विकास मन्त्रालय पठाइएको हो।
२ नम्वर प्रदेशका आर्थिक मामिला तथा योजना मन्त्रालयमा किरण रुपाखेतीलाई पठाइएको हो। यो प्रदेशको आन्तरिक मामिला मन्त्रालयमा भने जगदिश रेग्मी पुगेका छन्। प्रदेश २ को भूमी व्यवस्था मन्त्रालयमा वंशी शर्मालाई पठाइएको हो भने प्रदेश ३ को भूमी व्यवस्था मन्त्रालयमा विजयचन्द्र झालाई सरुवा गरी पठाइएको हो।
प्रदेश ३ को आन्तरिक मामिला मन्त्रालयमा रहेका बलदेव जोशी प्रदेश १ को मुख्यमन्त्री कार्यालय पुगेका छन्। प्रदेश ३ को आन्तरिक मामिला मन्त्रालयमा राजकुमार श्रेष्ठलाई सरुवा गरी पठाइएको छ। प्रदेश ३ को आर्थिक मामिला मन्त्रालयमा केवल भण्डारीलाई पठाइएको छ।
प्रदेश ५ को प्रदेशसभा सचिवालयमा प्रेम भट्टराई पुगेका छन्। उनी प्रदेश ४ को आन्तरिक मामिला मन्त्रालयमा थिए। आन्तरिक मामिलामा भने मानबहादुर विश्वकर्मालाई पठाइएको छ। प्रदेश ५ को मुख्यमन्त्री तथा मन्त्रिपरिषद्को कार्यालयमा वसन्त अधिकारी पुगेका छन्।
प्रदेश ७ को आन्तरिक मामिला मन्त्रालयका पिताम्वर घिमिरेलाई सोही प्रदेशको मुख्यमन्त्री तथा मन्त्रिपरिषद् कार्यालय पठाइएको हो। प्रदेश ७ को आन्तरिक मामिला मन्त्रालयमा शंकर अर्याल पुगेका छन् भने सामाजिक विकास कोष सचिवालयमा श्याम अधिकारीलाई सरुवा गरिएको छ।
सूचना प्रविधि र सञ्चार मन्त्रालयमा ऋषिराम तिवारी पुगेका छन्। वेपत्ता पारिएकाको छानविन आयोगमा प्रेम श्रेष्ठ र लक्ष्मीकुमारी वस्नेतको राष्ट्रपति कार्यालयमा सरुवा भएको छ।
