नेपाल पत्रकार महासंघले सरकार प्रेस स्वतन्त्रताप्रति गम्भीर र प्रतिबद्ध रहेको नदेखिएको जनाएको छ।
सञ्चार तथा सूचना प्रविधि मन्त्री गोकुल बाँस्कोटालाई प्रश्न सोधेकै कारण नेपाल टेलिभजनको कार्यक्रम ‘सिधा कुरा’को बन्द भएको घटनाप्रति महासंघले खेद व्यक्त गरेको छ।
महासचिव रमेश विष्टद्वारा जारी विज्ञप्तिमा प्रश्न सोधेकै आधारमा निरन्तर रूपमा प्रसारणमा रहेको कार्यक्रम बन्द गराइनु प्रेस तथा अभिव्यक्ति स्वतन्त्रता माथिको ठाडो हस्तक्षेप र लोकतन्त्रको उपहासका साथै प्रेसको विश्वव्यापी मान्यताविपरीतको कार्य भएको ठहर गरिएको छ।
महासंघले तत्काल कार्यक्रम सुचारू गराउन पनि सम्बन्धित पक्षको ध्यानाकर्षण गराएको छ।