विश्वकप खेल्नु अघिको अन्तिम अभ्यास खेलमा इंग्ल्याण्डले कोष्टारिकालाई २-०ले हराएको छ।
विश्वकपको पूर्व तयारी स्वरुप बिहीबार राति भएको अन्तर्राष्ट्रिय मैत्रीपूर्ण खेल जिताउन इंग्ल्याण्डका लागि मार्कस रासफोर्ड र ड्यानी वेलबेकले गोल गरे।
इङ्ल्याण्डले पहिलो हाफमा एक र दोस्रो हाफमा थप गोल गरेको थियो। खेलको १३ औं मिनेटमा मार्कस रासफोर्डले गोल गर्दै घरेलु टिमलाई सुरूवाति अग्रता दिलाए। पहिलो हाफ १-०ले अगाडि रहेको इंग्ल्याण्डका लागि ७६ औं मिनेटमा ड्यानी वेलबेकले गोल गर्दै अग्रता दोब्बर पारे।
त्यसपछि कुनै टिमबाट गोल भएन र खेल इङ्ल्याण्डले २-० ले जित्यो।
अबको ६ दिनपछि सुरू हुने विश्वकपका लागि इंग्ल्याण्ड समूह जी मा छ । यो समूहमा पानामा, ट्युनिसिया र बेल्जियमसँग उसले प्रतिश्पर्धा गर्नेछ।
यस्तै आज पराजित कोस्टारिकाले समूह ई बाट ब्राजिल, स्वीट्जरल्याण्ड र सर्बियासँग प्रतिश्पर्धा गर्नेछ।
