प्रदेश नम्बर ३ : संसद्मा संकल्प प्रस्ताव दर्ता


प्रदेश नम्बर ३ को प्रदेशसभामा आज बिहान संकल्प प्रस्ताव दर्ता गरिएको छ।

नेपाली कांग्रेसका सांसद्हरू प्रभात तामाङ, छिरिङदोर्जे लामा र निमा लामाले भूकम्प पीडितको आवास र पुनर्निर्माण कार्यमा उल्लेख्य प्रगति नभएको भन्दै सो कार्यका लागि संकल्प प्रस्ताव पेश गरेका हुन्।

संकल्प प्रस्तावमा सरकारी भवन, सार्वजनिक भवन, विद्यालय, गुम्बा, मठमन्दिर र अन्य भौतिक संरचना क्रमबद्ध रूपले पुनर्निर्माण गर्न, नागरिकको घर निर्माणका लागि विनियोजित रकम अपर्याप्त भएकाले थप अनुदान रकम उपलब्ध गराउन, पुनर्निर्माणका लागि कर्जा रकम बढीमा १५ लाख १५ वर्षको अवधिका लागि निर्ब्याजी मासिक किस्ता चुक्ता गर्ने व्यवस्था मिलाउन, पुनर्निर्माणका लागि कर्जा दिँदा नागरिकताको प्रमाणपत्र र जग्गाधनी पुर्जा कायम गर्न र जग्गाधनी पुर्जा मात्र रोक्का गरी कर्जा उपलब्ध गराउनुपर्ने प्रस्तावहरू छ।रासस

Share:

© 2017 Setopati Sanchar Pvt. Ltd.