भारतको दक्षिणी राज्य कर्नाटकमा भारतीय जनता पार्टीले सरकार बनाएको छ। बिहीबार बिहान ७५ वर्षीय बिएस येदियुरप्पाले मुख्यमन्त्रीको सपथ लिएका छन्।
यदियुरप्पाले १५ दिनभित्र विधानसभामा आफ्नो पक्षमा बहुमत देखाउनु पर्नेछ।
वैशाख २९ गते विधान सभाका २२४ मध्ये २२२ मा मतदान भएको थियो। सो चुनावमा भाजपाले १०४, कंग्रेसको ७८ र जनता दल (सेक्युलर) ले ३७ सिट जितेका थिए। अन्य दल तथा स्वतन्त्रले तीन सिट जितेका छन्।
सरकार बनाउन ११२ सिटको आवश्यक पर्छ। भाजपासँग बहुमत नभए पनि ठूलो पार्टीको हैसियतले सरकार बनाएको हो।
कंग्रेस आई र जेडिएसले गए राति सर्वोच्च अदालतमा उजुरी दिएका थिए।
मध्यरात मै अदालतमा सुनुवाइ भए पनि येदियुरप्पालाई सपथ लिनबाट रोक्न अन्तरिम आदेश जारी नभएका कारण राज्यपालले बिहीबार उनलाई सपथ गराएको हुन्।
