नुवाकोटका प्रतिनिधिसभा र प्रदेश सभामा कांग्रेसलाई वाम गठबन्धनले पछि पारेको छ।
प्रतिनिधिसभामा क्षेत्र नम्बर १ र क्षेत्र नम्बर २मा कांग्रेसका 'हेभीवेट' उम्मेदवार छन्। पूर्वमन्त्री रामशरण महत क्षेत्र नम्बर १ बाट र क्षेत्र नम्बर २ बाट पूर्वमन्त्री अर्जुननर सिंह केसी उठेका छन्।
तर दुबै नेता फराकिलो मतान्तर पछाडि परेका छन्।
क्षेत्र नम्बर १ मा वाम गठबन्धनबाट माओवादी उम्मेदवार हितबहादुर तामाङले १४ हजार १ सय ८३ मत ल्याएर कांग्रेसका महतलाई ४ हजार मतको चुनौती दिएका छन्।अहिलेसम्म महतको मत यहाँ ११ हजार ६ सय ५५ मत आएको छ।
क्षेत्र नम्बर २ मा वामगठबन्धनबाट एमाले उम्मेदवार नारायणप्रसाद खतिवडाले १८ हजार ८५ मत ल्याएर कांग्रेसका केसीलाई ६ हजार मतको चुनौती दिएका छन्। अहिलेसम्म केसीको यहाँ १२ हजार ९ य १४ आएको छ।
नुवाकोट क्षेत्र नम्बर १ प्रदेश सभा (क)मा पनि गठबन्धनका उम्मेदवारको ८ हजार ७ सय ९ मत आएको छ भने कांग्रेसका उम्मेदवारको ६ हजार ७ सय २० आएको छ। प्रदेश सभा (ख) मा गठबन्धनका उम्मेदवारको ९ हजार ६ सय ६८ मत आएको छ भने कांग्रेसका उम्मेदवारको ५ हजार ९० मत आएको छ।
त्यस्तै क्षेत्र नम्बर २ प्रदेश सभा (क)मा १० हजार ९ सय ४ ल्याएर गठबन्धनका उम्मेदवार नै अघि छन्। यहाँ कांग्रेसको ६ हजार ८ सय ८९ मत आएको छ।
प्रदेश सभा (ख)मा वाम गठबन्धनका उम्मेदवारले ८ हजार ९ मत ल्याएका छन् भने, कांग्रेसका उम्मेदवारले ६ हजार ६ सय ८९ मत ल्याएका छन्।
