शेखर कोइरालालाई लालबाबु पण्डितले हराए

पण्डितको जितपछि विजयी र्‍यालीमा । तस्बिर अनिल श्रेष्ठ


मोरङ क्षेत्र नम्बर ६ मा बामगठबन्धनका उमेदवार लालबाबु पण्डितले कांग्रेसका उम्मेद्वार शेखर कोइरालालाई हराएका छन्।

कांग्रेसको गढ मानिने मोरङ क्षेत्र नम्बर ६ बाट वाम गठबन्धनका लालबाबु पण्डितले जित हात पारेका छन्। कोइराला खानदानको मात्रै होइन नेपाली कांग्रेसकै लागि ऐतिहासिक मोरङ ६ मा शेखर कोइरालालाई ६७५ मतले हराउँदै पण्डितले विजय हाँशिल गरेका हुन्।

कोइराला परिवारका प्रभावशाली नेता डाक्टर शेखर कोइरालाले यस पटकको प्रतिनिधिसभा निर्वाचनमा पराजय ब्यहोरेका छन्। लालबाबुले ३३ हजार ९४१ र शेखरले ३३ हजार २६६ मत पाएका छन् ।

सर्लाहीमा जन्मेर मोरङलाई कर्मथलो बनाएका नेता पण्डित मजदुर एवम् ट्रेड युनियन पृष्ठभूमिबाट एमालेको नीति निर्माण तहमा पुगेका नेता हुन् ।

विशेष गरी २०५१ साल र २०५६ सालको प्रतिनिधिसभाका सांसद रहेका पण्डित सामान्य प्रशासन मन्त्री बनेपछि चर्चामा आएका थिए।

विजयी भएका पण्डितले ३३ हजार ९४१ मत ल्याएका छन्। यस्तै शेखर कोइरालाले ३३हजार २६६ मत ल्याएका थिए।

संघीय समाजवादी फोरम नेपालका राजेश्वर विश्वासले ५२६१ मत ल्याएका छन्। राजपाका तरबेज अख्तर आलमले १११८ मत ल्याएका छन्।

लालबाबु पण्डितले सेतोपाटीसँग कुरा गर्दै आफूले ६७५ मतले जितेको र प्रमाणपत्र बुझ्न जाँदै गरेको बताए।

 

Share:

© 2017 Setopati Sanchar Pvt. Ltd.