बाग्लुङका दुई प्रदेश सभामा जनमोर्चाको अग्रता


राष्ट्रिय जनमोर्चाको राम्रो मत भएको बाग्लुङमा उसले दुईवटा प्रदेशमा अग्रता लिएको छ।

वामगठबन्धनसँग मिलेर चुनाव लडेको जनमोर्चाले प्रतिनिधिसभामा उम्मेदवारी दिएको थिएन। क्षेत्रनम्बर १ को (ख)मा र क्षेत्र नम्बर २ को पनि (ख)मा जनमोर्चाले अग्रता लिइरहेको छ। १ को (ख) मा वामगठबन्धनका तर्फबाट जनमोर्चाका कृष्ण थापाले ५ हजार ९ सय ५६ ल्याएर कांग्रेसका प्रकाश शर्मा पौडेललाई अग्रता दिएका छन्। पौडेलको मत भने ३ हजार ७ सय ११ मत छ।

२ को (ख)मा पनि जनमोर्चाकै टेकबहादुर घर्ती ७ हजार ३ सय ३० मत ल्याएर अघि छन्। काँग्रेस पनि यहाँ दोस्रो स्थानमा छ। काँग्रेसका जीतबहादुर शेरचनले ५ हजार ४ सय ४२ मत पाएका छन्। प्रतिनिधिसभा क्षेत्र नम्बर १ मा एमालेका सूर्य पाठक ११ हजार ९ सय ९० मत ल्याएर अघि छन् भने काँग्रेसकी चम्पा खड्काले ८ हजार १ सय २ मत ल्याएर उनलाई पछ्याइरहेकी छन्।

क्षेत्र नम्बर २ मा पनि वाम गठबन्धनकै देवेन्द्र पौडेल अघि छन्। उनले १० हजार ७ सय ४९ मत ल्याएर कांग्रेसका नरबहादुर पुनलाई अग्रता दिइरहेका छन्। पुनको मत ८ हजार ५ सय ५४ छ।

Share:

© 2017 Setopati Sanchar Pvt. Ltd.