सर्लाहीमा कांग्रेस र राष्ट्रिय जनता पार्टी (राजपा) नेपालका कार्यकर्ताबीच झडप भएको छ। कौडेना गाउँपालिका २ जनता माध्यमिक विद्यालय फूलपरासी मतदान केन्द्रमा भएको झडप पछि मतदान स्थगित भएको छ।
एक जना अशक्त व्यक्तिको मत हाल्ने विषयलाई लिएर उनीहरुबीच झडप भएको हो। दुई दलका कार्यकर्ताबीच झडप हुन थालेपछि स्थितिलाई नियन्त्रणमा लिन प्रहरीले ४ राउण्ड हवाई फायर गरेको छ।
सो क्षेत्र निर्वाचन क्षेत्र न. २ मा कांग्रेसका जंगिलाल राय र राजपा नेपालका महेन्द्र राय यादव चुनावी मैदानमा छन् ।