प्रतिनिधि सभा तथा प्रदेशसभाको दोस्रो चरणको निर्वाचन अन्तर्गत ४५ जिल्लामा आज बिहिबार मतदान हुँदैछ।
राजधानी काठमाडौंसहित देशका ४५ जिल्लामा आज बिहान ७ बजेदेखि साँझ ५ बजेसम्म मतदान हुन लागेको हो।
प्रतिनिधिसभा सदस्य तर्फ १२८ र प्रदेशसभातर्फ २५६ गरी जम्मा ३८४ निर्वाचन क्षेत्रका लागि मतदान कार्य हुँदैछ। ती निर्वाचन क्षेत्रका लागि १५ हजार ३४४ मतदान केन्द्र तयार पारिएको छ।
दोस्रो चरणको निर्वाचनमा प्रतिनिधिसभा तर्फ १३० महिला सहित एक हजार ६६३ र प्रदेशतर्फ २२० महिला सहित दुई हजार ८१९ जना उम्मेदवार गरी जम्मा चार हजार ४८२ उम्मेदवार चुनावी प्रतिस्पर्धामा छन्।
पहिलो चरणको निर्वाचनमा दुवै तर्फ गरी ७०२ उम्मेदवार मैदानमा थिए।
निर्वाचनमा बहालवाला प्रधानमन्त्रीका साथै पूर्व प्रधानमन्त्री र हेवी वेटहरु मैदानमा भएकाले सबैको चासोको विषय बन्न पुगेको छ।
दोस्रो चरण अन्तर्गत इलाम, तेह्रथुम, धनकुटा, उदयपुर, झापा, मोरङ, सुनसरी सप्तरी, सिरहा, धनुषा, महोत्तरी, सर्लाही, बारा, पर्सा र रौतहट, सिन्धुली, मकवानपुर, चितवन, काभ्रेपलाञ्चोक, काठमाडौं, ललितपुर, भक्तपुर, नवलपरासी (बर्दघाट सुस्ता पूर्व) तनँहु, कास्की, स्याङजा, पर्वत, नवलपरासी (बर्दघाट सुस्ता पश्चिम), पाल्पा, अर्घाखाँची, गुल्मी, रूपन्देही, कपिलवस्तु, दाङ, प्यूठान, बाँके, बर्दिया, सल्यान, सुर्खेत, दैलेख, कैलाली, कन्चनपुर, डडेल्धुरा, अछाम र डोटीमा मतदान हुन लागेको हो।
बिहीबार विहानैदेखि सुरु हुने मतदानको लागि सुरक्षा व्यवस्था सहित सबै तयारी पूरा भएको निर्वाचन आयोगले जनाएको छ। नेपाल प्रहरी, शसस्त्र प्रहरी र सेनाको तीन वटा छुटा छुटै सुरक्षा घेराले मतदान स्थलमा मतदाता र उम्मेदवारको सुरक्षा प्रदान गर्ने छन्।
बिहीबार हुने मतदानमा १५२ जना तेस्रो लिंगी सहित १ करोड २२ लाख ३५ हजार ९९३ जना मतदाताले मताधिकार प्रयोग गर्दैछन्। जसमा पुरुष मतदाता धेरै छन्। ६१ लाख ७१ हजार २ सय पुरुष मतदाता रहेका छन् भने महिला ६० लाख ६४ हजार ६४१ छन्।
यस निर्वाचनमा सबै भन्दा धेरै मतदाता मोरङमा छन भने सबै भन्दा कम तेह्रथुममा रहेका छन्। मोरङमा ६ लाख ४४ हजार ७८२ मतदाता रहेका छन् भने तेह्रथुममा ६६ हजार ६६७ मतदाता छन्।
निर्वाचनमा प्रतिनिधिसभा तर्फ ५२ र प्रदेशतर्फ ४८ दल सहभागि छन् भने समानुपातिक तर्फ ५३ दलको प्रनिनिधित्व छ।
संघीयता कार्यान्वयनका लागि मुलुकमा मंसिर १० गते ३२ जिल्लाका प्रतिनिधिसभा सदस्यका लागि ३७ र प्रदेशसभा सदस्यका लागि ७४ निर्वाचन क्षेत्रमा मतदान सम्पन्न भइसकेको छ।
तथ्याङ्कमा हेर्नुहोस् दोस्रो चरणको निर्वाचनजिल्ला- ४५
प्रदेश-७
मतदान स्थल- ७७५२
मतदान केन्द्र- १५३४४
मतदाता- १ करोड २२ लाख ३५ हजार ९९३ (६१ लाख ७१ हजार २ सय पुरूष, ६० लाख ६४ हजार ६४१ महिला, १५२ तेस्रो लिङ्गी)
सबैभन्दा धेरै मतदाता- मोरङ(६,४४,७८२)
सबैभन्दा कम मतदाता- तेह्रथुम (६६ हजार ६६७)
सहभागी दल( प्रतिनिधि सभा- ५२, प्रदेश-४८, समानुपातिक-५३)
उम्मेद्वार-
निर्वाचन क्षेत्र- १२८
प्रतिनिधि सभा- १६६३ (पुरूष- १५३३, महिला- १३०)
समानुपातिक सिट संख्या- ११०
उम्मेद्वार-२२७३
प्रदेश सभा-
उम्मेद्वार- २८१९ (पुरूष- २५९९, महिला २२०)
समानुपातिक- सिट संख्या- २२०
समानुपातिक उम्मेद्वार- ३५६५
सुरक्षाकर्मीनेपाली सेना- ६४ हजार
नेपाल प्रहरी- ६८ हजार ६७८
सशस्त्र प्रहरी- ४२ हजार ८९१
म्यादी प्रहरी- ९८१७६
कर्मचारी- २ लाख १५ हजार
