धरानको एउटा मतदान केन्द्रमै बम बिस्फोट


सुनसरीको धरान उपमहानगरपालिका-१७ स्थित ज्वालामुखी माध्यमिक विद्यालयको पटनाली मतदान केन्द्रमा मंगलबार बम विस्फोट भएको छ।

ठूलो आवाजसाथ सुतली बम विस्फोट भए पनि कुनै मानवीय क्षति नभएको सुनसरी प्रहरीले जनाएको छ।

मोटरसाइकलमा आएका दुई अज्ञात व्यक्तिले मंगलबार बिहान मतदान केन्द्रमा सुतली बम विस्फोट गराई फरार भएको इलाका प्रहरी कार्यालय धरानले जानकारी दिएको छ।

सुनसरीको क्षेत्र नम्बर एकमा पर्ने यस क्षेत्रमा बाम गठबन्धनबाट जयकुमार राई उम्मेदवार छन् भने लोकतान्त्रिक गठबन्धनबाट स‌ंघीय समाजवादी फोरमका अशोक राई उम्मेद्वार छन्। निर्वाचनको पूर्वसन्ध्यामा भएको यस्तो विस्फोटले मतदातामा त्रास फैलाउने काम गरेको छ।

Share:

© 2017 Setopati Sanchar Pvt. Ltd.