राप्रपा (प्रजातान्त्रिक) चितवनका अध्यक्ष बद्री तिमल्सीना माओवादी केन्द्रमा प्रवेश गरेका छन्। आज चितवनको माडीमा आयोजित एक कार्यक्रम मार्फत दर्जनौ कार्यकर्तासहित उनी माओवादीमा प्रवेश गरेका हुन् ।
तिमल्सिना सँगै राप्रपा(प्रजातान्त्रिक) का ३१ जना जिल्लास्तरीका नेताहरु माओवादी केन्द्रमा प्रवेश गरेका छन् ।
उनलाई माओवादी केन्द्रका अध्यक्ष पुष्पकमल दाहाल‘प्रचण्ड’ले अबिर र माला लगाएर स्वागत गरे। कार्यक्रममा एमाले नेता सुरेन्द्र पाण्डे र कृष्णभक्त पोखरेल पनि माडी पुगेका थिए ।
प्रचण्ड र राप्रपा(प्रजातान्त्रिक) का महामन्त्री विक्रम पाण्डे चितवन क्षेत्र नम्बर ३ का उम्मेदवार हुन्। प्रचण्डलाई एमालेको समर्थन छ भने पाण्डेलाई कांग्रेसको समर्थन रहेको छ।
उम्मेदवारी दर्ताको दिनमा समेत तिमिल्सिना लोकतान्त्रिक गठवन्धनका तर्फबाट अगुवाई गर्दै हिडिँरहेका थिए। तिमिल्सिना भरतपुर महानगरपालिकामा राप्रपाको तर्फबाट मेयरको उम्मेदवारसमेत थिए।
