आजका तस्बिर- साउन २०

खिचिक्क । शुक्रबार राजधानीको भृकुटीमण्डपमा आयोजित आदिवासी जनजाति फिल्म फेस्टिबलमा सहभागी हुन आएका दुई युवती सेल्फी लिँदै। तस्बिरः नवीनबाबु गुरूङ/सेतोपाटी

खड्गभवानी कोतबाट देखिएको तत्कालीन पर्वत राज्यको राजधानी । म्याग्दीको बेनी नगरपालिका वडा नं २ मा रहेको ऐतिहासिक खड्गभवानी कोतबाट देखिएको चौबीसे राज्यअन्तर्गतको तत्कालीन पर्वत राज्यको राजधानी ढोलठान र कुरिलाखर्क । तस्बिर: ध्रुवसागर शर्मा/रासस

डुङ्गाकै भरमा वारपार । कैलालीको भजनी नगरपालिकामा पर्ने कान्द्रा नदीमा डुङ्गाको सहायतामा नदी वारपार गर्दै स्थानीय । एघार वर्षदेखि निर्माणाधीन पक्की पुल नबन्दा स्थानीयहरु नदीमा जोखिम मोलेर डुङ्गामै सवार गर्न बाध्य छन् । तस्बिर: झलनाथ खनाल/रासस

सुर्खेत उपत्यकाको थारु गाउँ । सुर्खेतको वीरेन्द्रनगर-९ कालीमाटीस्थित थारु गाउँ । एकीकृत रहेका बस्तीहरु वडा विभाजनको क्रममा छिन्नभिन्न हुन पुगेका छन् । तस्बिर: प्रकाश अधिकारी/रासस