Setopati विचार
Subscribe Setopati
आइतबार, असार २२, २०८२ युनिकोड ENEnglish
  • Setopati गृहपृष्ठ
  • प्रिमियम स्टोरी
  • राजनीति
  • बजार अर्थतन्त्र
  • विचार
  • नेपाली ब्रान्ड
  • समाज
  • कला
  • ब्लग
  • खेलकुद
  • ग्लोबल
  • कभर स्टोरी

सरकार अचाक्ली भयो, अब सहन्नौं

प्रकाश चन्द, मान्यता थापा र प्रविन स्यानताङ

प्रकाश चन्द, मान्यता थापा र प्रविन स्यानताङ

फाइल तस्बिर।
फाइल तस्बिर।

अहिले देशभर हामी मेडिकल विद्यार्थी आन्दोलित छौं। आन्दोलनकै क्रममा हाम्रा साथीहरु कुटिएका छन्, बन्धक भएका छन्। कतिको ज्यानै जोखिममा परेको छ। असुरक्षाका कारण नेशनल मेडिकल कलेज वीरगन्जका साथीहरू अहिलेसम्म कलेज जान सकेका छैनन्।

विद्यार्थीसित १० अर्बभन्दा बढी पहिल्यै ठगिसकेका मेडिकल कलेजको यस्तो ज्यादतिपछि सरकारले विज्ञप्ति निकाल्ने र फोस्रा धम्की दियो।  

अब सरकारलाई हामी सोध्न चाहन्छौं- यो कार्यकारी अधिकार भएको, देशको संविधान र कानुनको पालना गराउने सरकार हो कि माफिया र अपराधीहरुको रक्षक झुण्ड?

यो सरकारलाई वैधता दिएर कुर्सीमा पुर्‍याएको देशभरका नागरिकले हो कि मुट्ठीभर अपराधीले? आज यसको पनि जवाफ चाहन्छौं हामी।

अहिले सरकारका तर्फबाट खटाइएका मानिसले हामीलाई भनिरहेका छन्- कलेज फर्केर पढ, परीक्षा देऊ, आन्दोलनलाई डाक्टर गोविन्द केसीको आन्दोलनसित नजोड।

हामी सोध्न चाहन्छौं- हिजो एमबीबीएसको शुल्क सरकारले तोक्दै नतोकेको अवस्थामा डेढ करोडसम्म लिइन्थ्यो, त्यो बेला ज्यान जोखिममा राखेर ३५ लाख शुल्क कायम गराउने मानिस को हो? सुधारका लागि माथेमा कार्यदल बनाउन बाध्य पार्ने को हो? माथेमा कार्यदलको प्रतिवेदन महिनौंसम्म लुकाएपछि त्यो सार्वजनिक गराउनमात्रै सत्याग्रह बस्न बाध्य पारिएको कसलाई हो? सार्वजनिक भएपछि फेरि त्यसलाई कार्यान्वयन गराउन चार हप्तासम्म भोकभोकै बस्ने को हो?

हामीले बुझिसकेका छौं कि श्रद्धेय डाक्टर गोविन्द केसीको अनवरत प्रयासबिना आज हाम्रा लागि न्यायको लडाइँ लड्ने मैदान नै बन्ने थिएन।

हामीलाई बारम्बार भनिन्छ- सरकारले अवैध रूपमा असुलिएको शुल्क फिर्ता गराएरै छाड्छ।

यदि त्यस्तै हो भने हामी सरकारलाई एउटा चुनौती दिन चाहन्छौं। तीन दिनमा हामीले देशभरका सबै मेडिकल कलेजका विद्यार्थीले २०७० साल यता तिरेको बढी शुल्कको सुची तयार पार्छौं, त्यसमा कति ब्याज लिने हिसाब गर्छौं।  चौथो दिन सरकारले ती सबै विद्यार्थीलाई त्यो रकम फिर्ता गराओस्। त्यही दिन विद्यार्थीको आन्दोलन रोकिन्छ, पढाइ सुचारू हुन्छ र परीक्षाको माहोल बन्छ।

सरकार जमानी बसेर गराएको सम्झौता के हुन्छ भन्ने कुरा हामीले चितवन मेडिकल कलेजमा देखिसकेका छौं। सरकारको निर्देशन कति पालना हुन्छ भन्ने त सबै मेडिकल कलेजले देखाइरहेकै छन्।

यदि त्यसरी पैसा फिर्ता गराउन सक्दैन भने सरकारले अहिलेको नौटंकी बन्द गरेर घोषणा गरोस्- हामीलाई २० हजार मेडिकल विद्यार्थीको अधिकार, न्याय र भविष्यभन्दा अपराधी डन र माफियासितको सम्बन्ध प्यारो छ।

उनीहरूसामू हामी लाचार र निकम्मा छौं। जनप्रतिनिधिका रूपमा हामी नालायक छौं। जनताले हामीलाई चुनावमार्फत् दिएको सार्वभौमसत्ता हामीले माफियालाई बेचेर खाइसक्यौं। अब हामीलाई हाम्रो अकुत धनको रक्षाबाहेक बाँकी कुराको चिन्ता छैन।

अझै इमान्दार हुने हो भने सरकारले यो पनि घोषणा गरोस्- दुई तिहाइको ‘कम्युनिष्ट’ सरकारको देशलाई समाजवादतिर लैजाने रोडम्याप यही होः मुठ्ठीभर अपराधीहरुलाई देशका बाँकी नागरिकहरुको बेरोकटोक दोहन गर्न दिने। तिनै अपराधीहरुसित कमिसन लिएर आफू धनी बन्ने। तिनकै नुन खाने, तिनकै खर्चमा उपचार गराउने।

माफियाहरूसितको आत्मसमर्पण पत्रमा सरकारले यो पनि लेखोस्- स्वास्थ्य क्षेत्रमा व्यापार हाम्रो प्राथमिकता हो, जनताको स्वास्थ्य र सेवा हाम्रो चासो र चिन्ताको विषय नै होइन। अस्वस्थ मानिसले विरोधको आवाज उठाउन सक्दैनन्। अशिक्षित विवश भएर कठिन कामका लागि मरूभूमि पुग्छन्। देशमा अमनचैन हुन्छ।

यदि यस्तो इमान्दारी देखाउने आँट छैन भने सरकारले अहिलेकै पाखण्डपन दोहोर्‍याइरहोस् तर हामी विद्यार्थी पछि हट्ने छैनौं। अब विद्यार्थीको आन्दोलन डाक्टर केसीको आन्दोलनसित एकाकार हुन्छ। सरकारले ख्याल गरोस्- सबै जनालाई सधैंभरि मुर्ख बनाउन सकिँदैन।

प्रकाशित मिति: शुक्रबार, कात्तिक २२, २०७६  १२:४६
सिफारिस
अनेरास्ववियुको अध्यक्ष बनेका पहिलो डाक्टर
अनेरास्ववियुको अध्यक्ष बनेका पहिलो डाक्टर
१५ वर्षदेखि निर्णायक खेलमा अभागी बनिरहेको नेपाल
१५ वर्षदेखि निर्णायक खेलमा अभागी बनिरहेको नेपाल
ब्याजदर घटाएर मात्र कर्जा माग बढ्दैन, संरचनागत सुधार चाहिन्छ
ब्याजदर घटाएर मात्र कर्जा माग बढ्दैन, संरचनागत सुधार चाहिन्छ
पुल उद्घाटन गर्न प्रधानमन्त्री ओली आज हुम्ला जाँदै
पुल उद्घाटन गर्न प्रधानमन्त्री ओली आज हुम्ला जाँदै
यी प्रदेशमा आज भारी वर्षाको सम्भावना
यी प्रदेशमा आज भारी वर्षाको सम्भावना
काठमाडौंले लखेटेका कुकुरको घर बन्यो चोभारको जंगल
काठमाडौंले लखेटेका कुकुरको घर बन्यो चोभारको जंगल
कुलिङ पिरियड प्रकरणमा छानबिन गर्न ७ सदस्यीय विशेष संसदीय समिति गठन गर्ने निर्णय
कुलिङ पिरियड प्रकरणमा छानबिन गर्न ७ सदस्यीय विशेष संसदीय समिति गठन गर्ने निर्णय
सांसदहरूले हंगामा मच्चाएको कुलिङ पिरियड षड्यन्त्रको 'मक्सद' के?
सांसदहरूले हंगामा मच्चाएको कुलिङ पिरियड षड्यन्त्रको 'मक्सद' के?
जब उनले भाडामा दिएको आफ्नो जग्गा बिक्री भइसकेको थाहा पाइन्
जब उनले भाडामा दिएको आफ्नो जग्गा बिक्री भइसकेको थाहा पाइन्
प्रतिक्रिया दिनुहोस्
थप

विचार

संसदका माननीय सदस्यलाई खुला पत्र– शिक्षक बन्न यस कारण पढ्नुपर्छ शिक्षाशास्त्र!
गृहमन्त्री लेखकलाई प्रश्न– नेपालीको बोली र गालीको सीमा के हो?
काठमाडौं युनिभर्सिटीको स्कुल अफ एजुकेसनका डिन प्राध्यापक डाक्टर बालचन्द्र लुइँटेल। तस्बिर स्रोतः केयु
केयुको शिक्षा संकाय कायापलट गरिदिने प्राध्यापक
शिवधारी यादव। तस्बिरः नित्यानन्द मण्डल
यदुकुहामा उनको घर प्रहरीले घेरे, प्रहरीलाई गाउँलेले
जब छोराका तीखा शब्दवाण बुबाको मुटुमा गाडिन्छन्!
१३ वर्षको रस्साकस्सीपछि यसरी सम्भव भएको थियो 'सिन्धु जल सम्झौता'

विचार

डा. पेशल खनाल
संसदका माननीय सदस्यलाई खुला पत्र– शिक्षक बन्न यस कारण पढ्नुपर्छ शिक्षाशास्त्र! डा. पेशल खनाल
अमित ढकाल
गृहमन्त्री लेखकलाई प्रश्न– नेपालीको बोली र गालीको सीमा के हो? अमित ढकाल
विजयमणि पौडेल
केयुको शिक्षा संकाय कायापलट गरिदिने प्राध्यापक विजयमणि पौडेल
तुलानारायण साह
यदुकुहामा उनको घर प्रहरीले घेरे, प्रहरीलाई गाउँलेले तुलानारायण साह

ब्लग

अभिमत कैली कुसुम थारु
थारु महिलाहरूको उत्थानमा ढकियाको आड! अभिमत कैली कुसुम थारु
अर्जुन मोहन भट्टराई
साँच्चै मेरो कुनै शत्रु छैन! अर्जुन मोहन भट्टराई
प्रज्ञा शर्मा
अल्छी बुहारी! प्रज्ञा शर्मा
अनिता कोइराला
किन काट्नुपर्यो छोरीसँग बुहारीको कुरा! अनिता कोइराला

साहित्यपाटी

मातृका भण्डारी
टक्क अडिएको जीवन! मातृका भण्डारी
ब्लुभिजन सुबेदी
मेरो नि भिसा आयो बा! ब्लुभिजन सुबेदी
सुबास अधिकारी
शव बनेको सपना! सुबास अधिकारी
सुशिला शर्मा ‘शिलु’
थर हराएको प्राणी! सुशिला शर्मा ‘शिलु’

केटाकेटीका कुरा

दिक्षिता केसी
गाउँ जाने दोस्रो बाटो! दिक्षिता केसी
साईना ढुंगेल
अहिल्यै सबै कुरा थाहा हुन जरुरी छैन! साईना ढुंगेल
अर्थमा पाण्डे
आमा! अर्थमा पाण्डे
समाज पाण्डे
मेरो गाउँको सुन्दर घर! समाज पाण्डे

पाठक विचार

महिमानसिंह विष्‍ट
सर्वोच्चका शाखा अधिकृत महिमानसिंह विष्टको खण्डन–पत्र महिमानसिंह विष्‍ट
चेतराज जोशी
युवाको आँखामा वनस्पति र पर्यावरण! चेतराज जोशी
प्रकाश विक
फर्किएका खाली हातहरू… प्रकाश विक
सन्दिप पराजुली
विदेशी नागरिकताको 'युद्ध जिते'पछि सामाजिक सञ्जालमा देशप्रेमको ज्वारभाटा! सन्दिप पराजुली

सूचनापाटी

युनिकोडमा टाइप गर्नुहोस् युनिकोडमा टाइप गर्नुहोस्
विनिमय दर विनिमय दर
शेयर बजार शेयर बजार
सुन चाँदि सुन चाँदि
रेडियो सुन्नुहोस् रेडियो सुन्नुहोस्

सम्पर्क
Setopati

Setopati Sanchar Pvt. Ltd. सूचना विभाग दर्ता नंः १४१७/०७६-२०७७ Jhamsikhel Lalitpur, Nepal
01-5429319, 01-5428194 setopati@gmail.com
विज्ञापनका लागि 015544598, 9801123339, 9851123339
सोसल मिडिया
Like us on Facebook Follow us on Twitter Subscribe YouTube Channel Follow us on Instagram Follow us on Tiktok
सेतोपाटी
  • गृहपृष्ठ
  • विनिमय दर
  • शेयर बजार
  • सुन चाँदि
  • हाम्रोबारे
  • सेतोपाटी नीति
प्रधान सम्पादक
  • अमित ढकाल
सेतोपाटी टीम
  • हाम्रो टीम
© 2025 Setopati Sanchar Pvt. Ltd. All rights reserved. Site by: SoftNEP