निर्वाचनको २ दिन अगाडि पथरीशनिश्चरेको विभिन्न स्थानमा बम फेला परेको छ। केही ठाउँमा बिस्फोटसमेत भएको बमले कुनै मानवीय क्षती नभएको प्रहरीले जनाएको छ।
केही ठाउँमा बम डिस्पोजल टोलिद्वारा निस्कृय पार्ने क्रम जारी छ। स्थानीयबासिका अनुसार अज्ञात व्यक्तिले सिटी सफारीमा आएर शंकास्पद बस्तु छोडेर गएका हुन्।
पथरीको रत्न चोक, त्रिवेणी चोक र रिगुवामा भेटिएको संकास्पद बस्तु र बम डिस्पोजल टिमले निक्रिय पारेको छ। टोलीले सुतली बम राखेको बताएको छ। बम राखेको भन्दै प्रहरीले २ जनालाई पक्राउ गरेको छ। पक्राउ पर्नेमा दीपक आचार्य र ईन्दिरा मिश्र कार्की छन्।
