क्रिस्टियानो रोनाल्डो विश्वको धेरै पैसा कमाउने सेलिब्रेटीको सूचीमा पाँचौ नम्बरमा पर्न सफल भएका छन्। फोब्र्सले सार्वजनिक गरेको सूचीमा उनी विश्वको पाँचौ धेरै पैसा कमाउने सेलिब्रेटीमा परेका हुन्। यो सूचीमा र्यापर सिन कम्स पहिलो नम्बरमा छन्। दोस्रोमा गायिका तथा नायिका बियोन्से, तेस्रोमा लेखिका जेके रोलिङ, चौथोमा गायक ड्रेक छन्। फोब्र्सका अनुसार रोनाल्डोको गत वर्षको कमाई ९ अर्ब ५७ करोड छ।
यस सूचीमा रोनाल्डोका प्रतिद्वन्दी लिओनल मेसी १४ औं स्थानमा छन्। उनको गत वर्षको कमाई ८ अर्ब २३ करोड रहेको छ।
