किनकि म पागल हुँ


तिमी भन्छौ काठमाडौँमा अस्पताल, म भन्छु डोटीमा खोल

किनकि म पागल हुँ

तिमी जान्छौ विदेश, म भन्छु नेपालमै गराउ उपचार

किनकि म पागल हुँ

तिमी भन्छौ पार्टीको अस्पताल, म भन्छु नेपालीको अस्पताल

किनकि म पागल हुँ

तिमी भन्छौ अनसन बस्ने मरे हुन्छ, म भन्छु सबै जना बाँचुन्

किनकी म पागल हुँ

तिम्रो उपचार जनताको पैसाले, मेरो पैसा जनताको उपचारमा

किनकि म पागल हुँ

नदि बेच्छौ बाढी ल्याँउछौ, उद्धार गर्न म जान्छु

किनकि म पागल हुँ

सद्दे किड्नी झिकिदिन्छौ, यस्तो नहोस् म भन्छु

किनकि म पागल हुँ

अस्पतालमा जागिर ख्वाउँछौ, योग्य ल्याउ म भन्छु

किनकि म पागल हुँ

डाक्टर पढ्ने धनि मात्र, जेहेन्दारले पढुन् भन्छु

किनकि म पागल हुँ

Share:

© 2017 Setopati Sanchar Pvt. Ltd.