कार्यकर्ता रमाए हजुर
पैसा कमाए
भ्रष्टाचारी नेताहरुले
देशमा कब्जा जमाए।
आठ कक्षा फेल गरेकाले
+२ पास लेखाए
मन्त्रीको पावर लगाए हजुर
नक्कली सर्टिफिकेट देखाए।
कार्यकर्ता रमाए हजुर, पैसा कमाए
भ्रष्टाचारी नेताहरुले देशमा कब्जा जमाए।
गुन्डालाई खुवाए हजुर
जनतालाई रुवाए
नेता नामक किराले
देशको ढुकुटी चुहाए।
आफन्तलाई टेकाए हजुर
चुनावमा नाम लेखाए
नयाँ नेपाल बनाउँछु भन्दै
झुटो आश्वासन देखाए।
कार्यकर्ता रमाए हजुर, पैसा कमाए
भ्रष्टाचारी नेताहरूले देशमा कब्जा जमाए।
