लग्यौ बस्ती गरिबको
सबै तिमीले बड़ारी ।
होइनौं तिमी भगवान
हौ राक्षस विनाशकारी ॥
छैन आँखा तिम्रो देख्ने
घुसखोरी र भ्रष्टचारी ।
राख्छौ जोगाई सबलाई
पापी त्यो बलात्कारी ॥
मोज गर्छन् महलमा
जिउ ज्यान छ सरकारी।
शंका लाग्छ हामीलाई
हो त्यो तिम्रै कर्मचारी॥
निर्दोष बिचरा गाउँलेको
के नै थियो दोष भन।
अन्जान बालबच्चा मार्ने
कति निष्ठुरी तिम्रो मन ॥
कमजोर झोपडी बस्तीमा
डोजर तिमीले कुदायौ ।
अमर प्रेममा बाँधिएको
परिवारहरु तिमीले छुटायौ ॥
कसैको आमा बाबा त
कसैको प्रिय बच्चा छुट्यौ ।
निर्दोष गरिब मानवको
दिल तिमीले दुखायौ ॥
पापी निर्दयी हौ भनी
तिमीलाई किना नभन्ने ।
दुःख र पीडा मात्र दिन्छौ भने
भगवान भनी किन मान्ने ॥
