म बलात्कारी
बलात्कार मेरो धर्म
म प्रतिबद्ध छु
म कटिबद्ध छु
किनकी प्रहरी प्रसाशन मात्र होइन
सरकार जो मेरो साथ छ।
चेलिबेटीको शरीर लुट्न
कति पछि पर्दिनँ
गाउँ होस् या सहर
हिमाल, पहाड, तराई नै किन नहोस्
म यत्र तत्र सर्वत्र सक्रिय छु।
निर्मला, सीता , गिता
म मान्छे चिन्दिनँ
चिन्छु त केवल
एक साथी, सरकार।
हो, मेरो पक्षमा राज्यले आवाज उठाउँछ
हेर्नोस् त,
आफ्नो त फुर्सद नै छैन
३-४ वटा दिनमा
काम पनि क्या गर्छन यार,
सोच्दैछु संख्यामा त कतै चुकिन।
थिचेर मारेका ती घाँटी सम्झन्छु
तर यो पनि सम्झन्छु
कि कतै म धर्मबाट
बिमुख त भा´छैन।
सञ्जालका सबै साथीलाई चिन्दिनँ
संरक्षक र प्रवर्तकको
निकटताले मेरो साहस
सगरमाथाको शिरको केही वर मात्र छ।
पछिल्लो समय
कार्यव्यस्तता यति भयो कि
आफ्नो अर्काको छुट्याउनै
हम्मे हम्मे पर्यो,
चिन्तन गर्ने समय जो छैन।
देश मेरो बिरुद्धमा नै किन नहोस्
ती निरश र स्थिर पोस्टरहरु
सिर्फ झुन्डिएका, टालिएका छन्
पोलपोलमा अनि
भित्ता भित्तामा पनि
मलाई चिन्ता छैन
किनकी डयूटी त फिल्डमा गरिन्छ।
म गर्व गर्छु
बेरोजगार थिएा
तर अहिले छैन
मेरो नैतिकता र मानवतामा
कत्ति कमी महशस गरिनँ
आफ्नो धर्म निभाउनु,
मेरो कर्तव्य हुन जान्छ
किनकी
म बलात्कारी
बलात्कार मेरो धर्म।
