हेरत,
ओ नयाँ पुस्ता हौँ
भन्ने हरु हो !
सुनत,
ओ नयाँ चेतनाका
सम्बाहक हौँ
भन्ने हरु हो !
तिम्रो गणतान्त्रिक देशमा
नागरिक सर्वोच्चता,
तिम्रो देशको सत्ताले
तिमीलाई दिएको
इज्जत र मर्यादा ।
तिमीत,
आफूलाई
चङ्गा ठान्छौं हैनर?
रगतसँग साटेर ल्याएको गणतन्त्रमा
अब, घुँडा टेक्ने पालो कस्को भनेर
पहिल्यै निर्क्यौल
गरेका थियौ, होइन र?
कसरी देखिरहन सक्छौ?
कसरी सुनिरहन सक्छौ ?
खोलो उकालो
बग्न खोजेको
सामन्ती स्वर
मुटुमा गडेको ।
सुनत,
ओ नयाँ पुस्ता हो,
महसुस गरत
ओ नयाँ चेतनाका
सम्बाहकहरू हो,
मालीक ठान्नेको
ठाँट देख्दा
'नोकर हौ' को आसयमा
तिमीलाई लेख्दा
तिमी भित्रको क्रान्ति दुखेन ?
के,
तिमी भित्रको शान्ति दुखेन ?
आगो ओकल्न्ने
ओठहरू,
पहाड ढाल्ने
पाखुरीहरू,
यो, दम्भलाई
थाहा देउ
यो, अविवेकलाई
थाहा देउ ।
