मिक्स्चर व्यवसायी संघको अध्यक्षमा शाही


उपत्यका मिक्स्चर व्यवसायी संघको तेस्रो साधारणसभाबाट हिक्मतबहादुर शाहीको अध्यक्षतामा २३ सदस्यीय नयाँ कार्यसमिति चयन भएको छ।

संघको काठमाडौंमा आज सम्पन्न साधारणसभाले सर्वसम्मत रूपमा नयाँ कार्यसमिति चयन गरेको हो । उक्त कार्यसमितिमा वरिष्ठ उपाध्यक्ष गोपीकृष्ण पाठक, उपाध्यक्षमा रविलाल आचार्य, सचिवमा श्याम आचार्य, कोषाध्यक्षमा उदयशंकर रौनियार छन्।

प्रत्यक्ष रोजगारीमा २० हजार घर निर्माण तथा ढलानको काम गर्ने व्यवसायीको हकहित तथा पेशागत सुरक्षाका लागि विसं २०६८ मा सो संघ स्थापना भएको हो ।

संघका नवनिर्वाचित अध्यक्ष शाहीले भूकम्पपछिको पुनर्निर्माण वा घर निर्माणको काममा मिक्स्चर व्यवासयीको योगदान महत्वपूर्ण रहेको र आगामी दिनमा अझ पेशाप्रति इमान्दर भएर काम गर्ने बताए । रासस

Share:

© 2017 Setopati Sanchar Pvt. Ltd.