काठमाडौंलाई सुविधायुक्त र सुन्दर बनाउन यस्ता छन् महानगरका योजना


काठमाडौं महानगरपालिकाले नगर सभामा पेश गरेको आर्थिक वर्ष २०७४/७५ को नीति तथा कार्यक्रममा शहरलाई सुन्दर र सुविधायुक्त बनाउन विभिन्न योजना समेटेको छ।

उजुरी सुन्ने मोवाइल एप, ईट्वाइलेट संचालन प्रदुषण मापन गर्ने यन्त्र जडान गर्ने लगायतका कार्यक्रम महानगरले सार्वजनिक गरेको छ।

महिला, बालबालिका, बृद्धबृद्धा, असहाय, र अपाङ्गता भएका व्यक्तिहरुको हक हितको लागि विशेष कार्यक्रम ल्याइने महानगरले जनाएको छ।

महानगरले उद्यमशिलताको सम्भाब्यताको अध्यन गरी उत्साही युवाहरुको ज्ञान र सिपको उपयोग गर्दै क्षमता अभिबृद्धि गर्ने योजना बनाएको छ।

युवाहरुलाई खेलकुद तथा रोजगारीको लागि अनुकुल वातावरण निर्माण गर्ने महानगरको योजना छ।

त्यसैगरी महानगरले वर्तमान शिक्षा प्रणालीमा सुधार गरी गुणस्तरीय व्यवहारीक तथा ब्यवासायीक शिक्षामा जोड दिने जनाएको छ।

महानगरबासीको स्वास्थ्य अवस्थामा सुधार ल्याउने, सुन्दर र स्वस्थ्य महानगर बनाउने नीति अवलम्वन गरिने महानगरले जनाएकमो छ।

त्यस्तै काठमाडौंलाई अन्तर्राष्ट्रिय स्तरको महानगर बनाउन आवश्यक पर्ने पुर्वाधारको योजनावद्ध विकास गरिने नीति अवलम्बन गरिने बताइएको छ।

त्यसैगरी महानगरले भवन निर्माण सम्बन्धी मापदण्ड समयानुकुल बनाउने, यातायातलाई सर्वसुलभ बनाउने, सहरलाई उज्यालो बनाउने, स्थानीय भषाको संरक्षण÷प्रवद्र्धन गर्ने, स्थानीय संस्कृतिको संरक्षण र प्रबद्धन गर्ने, प्रशासनलाई चुस्त, प्रभावकारी बनाउने योजना महानगरको छ।

सेवामा सहज पहुँच र पारदर्शी बनाउने, पुर्वाधारहरु विकाश गर्ने, शहरलाई प्रदुषणमुक्त बनाउने योजना महानगरले अघि सारेको छ।

Share:

© 2017 Setopati Sanchar Pvt. Ltd.