इन्दिरा आइभिएफ नेपालले काठमाडौंस्थित आफ्नो फर्टिलिटी तथा आइभिएफ सेन्टरको दोस्रो स्थापना दिवस मनाएको छ।
लाजिम्पाटको नेपाली चुलोमा आयोजित कार्यक्रममा विशिष्ट व्यक्तिहरू, चिकित्सक, साझेदारहरू तथा केन्द्रसँग सम्बन्धित परिवारहरू सहभागी भए।
यस अवसरले नेपालमा दुई वर्षको सेवाको उपलब्धि र क्लिनिकको सहज पहुँचयोग्य तथा बिरामी–केन्द्रित फर्टिलिटी केयरप्रति केन्द्रित दृष्टिकोणलाई उजागर गरेको बताइएको छ।
कार्यक्रममा इन्दिरा आइभिएफ नेपालका निर्देशक श्रीनिवास मदाबुसी र उमेश अग्रवाल, केन्द्र प्रमुख तथा स्त्रीरोग विशेषज्ञ डा. नेहा हुमागाईँ, तथा स्त्रीरोग विशेषज्ञ डा. मनीषा आचार्य, डा. ज्योति श्रेष्ठ र डा. पंकज प्रताप देव पनि सहभागी थिए।
इन्दिरा आइभिएफ स्थापना हुनुको उद्देश्य फर्टिलिटी केयरलाई सहज पहुँचयोग्य बनाउने र बाँझोपनबारे खुला तथा जानकारीपूर्ण संवादलाई प्रोत्साहन गर्ने हो।
दुई वर्षमै यसको शिविर तथा परामर्शहरूले करिब एक हजारभन्दा बढी व्यक्तिलाई पुग्न सकेको छ र ५०० भन्दा बढी परिवारलाई अभिभावकत्वको अद्भुत खुशी दिलाउन सहयोग गरेको छ।
यस अवसरमा इन्दिरा आइभिएफका सिइओ क्षितिज मुर्दियाले काठमाडौंमा बितेका दुई वर्ष विश्वास निर्माण गर्ने यात्राको हिस्सा भएको उल्लेख गर्दै परिवारहरूले आफ्नो जीवनको व्यक्तिगत अध्यायमा विश्वास दिएकोमा आभार व्यक्त गरे।
दोस्रो स्थापना दिवसको अवसरमा इन्दिरा आइभिएफ नेपालले प्रत्येक जोडीसँग विज्ञान–आधारित फर्टिलिटी केयरसहित उभिन र काठमाडौं तथा बाहिर पनि सचेतना फैलाउन निरन्तर प्रतिबद्धता दोहोऱ्याएको छ।
-1746009348.jpg)
