जेनेस सोलुसनले प्रमुख कार्यकारी अधिकृतमा प्रसन्न पोखरेललाई नियुक्त गरेको छ।
त्यसका साथै नेपालस्थित बहुराष्ट्रिय सूचना प्रविधि कम्पनी जेनेस सोलुसनले बिजनेस अक्सिजन प्रालिबाट ५.५ करोड रुपैयाँ बराबर रकम लगानी प्राप्त गरेको छ।
बिजनेस अक्सिजन प्रालि वर्ल्ड बैंक ग्रुप अन्तर्गतको अन्तर्राष्ट्रिय वित्तीय निगमद्वारा संचालित ग्लोबल एसएमइ भेञ्चर पहलको एक अंग हो।
मुख्यत क्लाउड कन्सल्टेन्सी क्षेत्रमा अग्रणी स्थानमा रहेको जेनेस सोलुसनले उक्त रकम आफ्नो विभिन्न रणनैतिक उद्देश्यहरुको परिपूर्तिको लागि प्रयोग गर्ने छ।
यस्ता उद्देश्यहरुमा आफ्नो सेवा र उत्पादनको दायरा बिस्तार र व्यवसायिक सिपको स्तरोन्नति लगायत देशको समग्र डिजिटल क्षेत्रको रूपान्तरण पर्दछन्।