सरकारले विदेशमा रहेका नेपाली ल्याउने काम भोलिदेखि सुरू गर्ने भएको छ।
त्रिभुवन अन्तर्राष्ट्रिय विमानस्थलका अनुसार जेठ २३ गते दुई देशबाट नेपाली ल्याएर जहाज आउने भएका छन्।
विमानस्थल कार्यालयका अनुसार म्यानमार र संयुक्त अरब इमिरेट्सबाट नेपाली ल्याएर जहाज आउने तालिका रहेको छ।
नेपाल नागरिक उड्डयन प्राधिकरणका प्रवक्ता राजकुमार क्षेत्रीकाअनुसार सयुक्त अरब इमिरेट्सको युएईबाट एयर अरेबियाको जहाज आउने तालिका रहेको छ। उक्त जहाज सारजाहबाट ११:४५ मा काठमाडौं अवतरण गर्ने तालिका रहेको छ। तर यात्रु विवरण भने विमानस्थलाई अहिले नै जानकारी दिइएको छैन।*
म्यानमारबाट एयर फोर्सको जहाजबाट ४१ जना नेपाली आउने र यताबाट २६ जना लिएर जाने उडान कार्यक्रम रहेको क्षेत्रीले जानकारी दिए।*
*सच्याइएको