फोनपेले पेमेन्ट कार्ड इन्डष्ट्रि डाटा (पिसिआई डिएसएस भि थ्रि.टु.वान) सुरक्षा मापदण्ड प्राप्त गरेको छ।
कम्पनीले पुरा प्लाटफर्म मान्यता प्राप्त सेवा प्रदायकको उपलब्धी हासिल गरेको हो। यस प्रमाणिकरणले फोनपेको दायराअन्तर्गत गरिएका सबै कारोबार सुरक्षित रहेको कम्पनीले बताएको छ।
भुक्तान कार्ड उद्योग डाटा सुरक्षा मापदण्ड भुक्तान कार्ड उद्योग सुरक्षा मापदण्ड काउन्सिलद्वारा अवलम्बन गरिएको अनिवार्य कडा मापदण्डहरुको सेट हो। जहाँ कम्पनीले पीसीआइद्धारा उल्लेख गरिएका मापदण्डहरू पुरा गर्नुपर्दछ।
यसले डाटाको भण्डारण, प्रक्रिया तथा डाटाहरुको सुरक्षा गर्दछ भने भुक्तानीमा हुने फ्रड कार्यलाईलाई रोक्दछ।
फोनपेका प्रमुख टेक्निकल अफिसर दिवस सापकोटाले फोन पे नेपालमा यस किसिमको प्रमाणिकरण प्राप्त गर्ने गैर कार्ड आधारित पहिलो पिएसओ रहेको बताए।
'यसले ग्राहकको डाटा सुरक्षा हुनुका साथै डाटा उलंघनको जोखिमलाई हटाउँछ र कुनै पनि संदिग्ध उलंघनको छानविनको दायरा बढाइ संस्था तथा ग्राहकको वीत्तिय क्षतकी जोखिम हटाउँछ', उनले भने।
