सेलपे सेवाका ग्राहकहरुले कोरोना भाइरस विरुद्धको बिमा सुबिधा सेलपे मोबाईल वा वेव एप्लीकेशनमार्फत किन्न सकिने भएको छ।
सेलपेसँग आबद्ध सगरमाथा इन्सुरेन्स कम्पनीसंगको सहकार्यमा कोरोना भाईरसविरुद्ध बिमा सुविधा किन्न सकिने सेवाको सुरुवात गरिएको हो।
जसको मुख्य उद्देश्य कोरोना भाईरस संक्रमित व्यक्तिहरुलाई आर्थिक सहयोग पुर्याउनु रहेको कम्पनीले बताएको छ।
ग्राहकहरुले आफ्नो आवश्यकताअनुसार व्यक्तिगत बीमा वा पारिवारिक बीमा रोज्न सकिने सेलपेले बताएको छ।
सेलपेका ग्राहकहरुले बीमा गर्नका लागि आफ्नो सेलपे एप्पमा गई कोविड-१९ आइकनमा क्लिक गर्नुपर्छ।
त्यससँगै आफ्नो आवश्यकताअनुसार व्यक्तिगत बीमा वा पारिवारिक बीमा वास्तविक समयमा किनेर रकम भुक्तानी गर्न सकिन्छ।
यस अन्तर्गत बीमा शुल्क भुक्तानी गरेको १५ दिनसम्म प्रतिक्षा अवधी रहने छ। र १५ दिनको प्रतिक्षा अवधी सकिएपछी कोही व्यक्तिमा कोरोना
भाईरस पोजिटिभ पुष्टि भएमा, पुष्टि हुने बित्तिकै बीमा रकमका लागि दाबी गर्न सकिन्छ।
यस बिमाको समय अवधिमा कोरोना भाईरस विरुद्ध बीमा भुक्तानी गरेको १२ महिनासम्म कोरोना भाईरस पोजिटिभ पुष्टि भएमा यो बीमा योजनाको सुबिधा लिन सकिन्छ।
ग्राहकहरुले १ लाखसम्मको कोरोना भाईरसबिरुद्ध बिमा गराउन सकिने बताइएको छ।
सेलपेद्धारा विभिन्न दुरसंचार सेवा, विजुली, खानेपानी, टिभी, इन्टरनेटको महशुल भुक्तानी, स्वदेश भित्र गरिने रेमिट्यान्स पठाउन-पाउन, बिमा रकम भुक्तानी गर्न, विभिन्न पसल, रेष्टुरेण्टमा भुक्तानी, एक बैंक खाताबाट अन्य बैंक खातामा रकम स्थानान्तरण आदि गर्न सकिन्छ।
-1746009348.jpg)
